Jugendgrupp

Wéi funktionéiert de Jugendgrupp?

Am Jugendgrupp ka jiddfereen ab dem 6. Schouljoer deelhuelen. All déi aus dem 6. Schouljoer mussen allerdings och am "Kannergesank“ un de Prouwen an den aneren Aktivitéiten deelhuelen.
D'Prouwe sinn ongeféier all 3-5 Wochen eng Kéier.
De Wochendag an d'Auerzäit variéieren vu Kéier zu Kéier.
Mir leeën d'Prouwen zesumme mat de Jugendleche fest.
Mir probéieren keng Prouf an d'Prüfungszäiten ze leeën.
Un all Aktivitéit vum Kannergesank däerf de Jugendgrupp natierlech och deelhuelen: z.B. bei Optrëtter, Stagen, Ausfligg, Vakanzen,...
Bei eisen Optrëtter hëllt de Jugendgrupp, sou wäit et méiglech ass, deel. Heifir geet et dann duer, dass di Jonk un der Generalprouf vum jeeweilegen Optrëtt deelhuelen.
Bei eiser jährlecher Theatervirstellung ass virgesinn, dass de Jugendgrupp en eegene Programm opféiert (dëst ass awer keng Mussesaach!)
Dir kritt all Trimester de geneeë Programm mat allen Aktivitéiten geschëckt, sou dass Dir ëmmer um Lafende sidd, wat bei eis geschitt.
E puer mol am Joer mecht de Jugendgrupp eng Sortie, d.h. mir ginn an de Kino, op d'Äispist, an d'Schwemm, eng Pizza iessen,....
D'Cotisatioun vum Jugendgrupp ass di selwecht, wéi am Kannergesank. D'Kanner aus dem 6. Schouljoer bezuelen natierlech nëmmen eng Kéier.

Fir weider Informatiounen wendt Iech un een aus dem Comité.

Ganz einfach: fëll den Umeldungsziedel aus a bréng en an di nächst Prouf mat.